ہندوستان کے وزیر خارجہ نے تصدیق کی ہے کہ انہوں نے اس ہفتے واشنگٹن ڈی سی کے دورے کے دوران امریکی حکومت کے اعلیٰ عہدیداروں کے ساتھ کینیڈا میں سکھ رہنما کے قتل پر دونوں ممالک کے درمیان تنازع پر بات کی ہے۔
ہندوستانی وزیر خارجہ جے شنکر نے جمعہ کو کہا کہ انہوں نے ایک دن پہلے امریکی وزیر خارجہ انٹونی بلنکن اور امریکی قومی سلامتی کے مشیر جیک سلیوان کے ساتھ بات چیت کے دوران کینیڈا میں سکھ علیحدگی پسند تحریک کے حامیوں کے بارے میں ہندوستان کے خدشات کو بیان کیا۔
جے شنکر نے جمعہ کی صبح ہڈسن انسٹی ٹیوٹ میں ایک تقریب کے دوران کہا کہ کینیڈین وزیر اعظم جسٹن ٹروڈو کے بارے میں سرکاری طور پر ہندوستانی حکومت کا ردعمل یہ رہا ہے کہ وہ جو الزام لگا رہے ہیں وہ ہماری پالیسی کے مطابق نہیں ہے۔
بھارتی وزیر خارجہ نے یہ بھی کہا کہ امریکا اور ہندوستان کینیڈا کو مختلف انداز سے دیکھتے ہیں۔
