شہزادی ڈیانا کا 1985 میں پہنا ہوا گاؤن 1.148 ملین ڈالر میں فروخت

برطانوی شہزادی ڈیانا کا 1985 میں پہنا ہوا گاؤن 1.148 ملین ڈالر (904,262 پاؤنڈ) میں فروخت ہوگیا ۔

تفصیلات کے مطابق برطانوی شہزادی ڈیانا کا 1985 میں پہنا ہوا گہرے نیلے رنگ کے گائون نے نیلامی کے تمام ریکارڈ توڑ دیئے، جو اس کے ابتدائی تخمینے سے 11 گنا زیادہ ہے۔

جولینز آکشنزنے فخریہ طور پر اعلان کیا ہےکہ”جولینزاب نیلامی میں فروخت ہونے والی شہزادی ڈیانا کے پہنے ہوئے سب سے مہنگے لباس کا نیا عالمی ریکارڈ اپنے نام کر چکا ہے اس نے $604,800 کے پچھلے ریکارڈ کو پیچھے چھوڑ دیا۔

شہزادی ڈیانا نے ابتدائی طور پر یہ گائون 1985 میں اٹلی میں اپنے اس وقت کے شوہر چارلس، پرنس آف ویلز کے ساتھ شاہی دورے پر اور پھر 1986 میں وینکوور سمفنی آرکسٹرا میں پہنا تھا۔

یا د رہے کہ وکٹر ایڈلسٹین کا 1991 میں مخمل کاگاؤن ایک نیلامی میں 604,800 ڈالرمیں فروخت ہوا تھا۔