48
سعودی عرب نے اپنے ائیربیس پر غیر ملکی افواج کی موجودگی سے متعلق خبروں کی تردید کردی۔
سعودی وزارت دفاع نے اپنے ایک بیان میں کہا کہ طائف میں کنگ فہد ائیربیس پر غیرملکی افواج کی موجودگی کی افواہیں درست نہیں ہیں۔
حوثیوں پر امریکی اور برطانوی افواج کے حملوں سے قبل یہ افواہ پھیلائی گئی تھی۔
سعودی عرب، یمن پر امریکی اور برطانوی فضائی حملوں پر پہلے ہی تشویش کا اظہار کر چکا ہے۔
واضح رہے کہ گزشتہ دنوں امریکا اور برطانیہ نے یمن میں حوثیوں کے خلاف بمباری شروع کردی تھی۔
لڑاکا طیاروں، بحری جہازوں اور آبدوزوں کی مدد سے یمن کے دارالحکومت صنعا، بندرگاہی شہر حدیدہ اور شمالی شہر سعدہ میں درجن بھر سے زائد مقامات پر بمباری کی گئی ہے، حملوں میں ٹام ہاک میزائلوں کا بھی استعمال کیا گیا۔
