آرمی چیف جنرل عاصم منیر نے قانون نافذ کرنے والے اداروں کو ہدایت کی ہےکہ وہ غیر قانونی معاشی سرگرمیوں کے خلاف پوری قوت کے ساتھ کارروائیاں جاری رکھیں۔
پاک فوج کے شعبہ تعلقات عامہ کے مطابق آرمی چیف جنرل عاصم منیر نے لاہور کا دورہ کیا اور صوبائی اپیکس کمیٹی کے اجلاس میں شرکت کی۔
آئی ایس پی آر کے مطابق اپیکس کمیٹی اجلاس میں نگران وزیر اعلیٰ محسن نقوی بھی شریک ہوئے، آرمی چیف کو صوبے کی سکیورٹی صورتحال سمیت بجلی،گیس چوری، ذخیرہ اندوزی اور غیر ملکی کرنسی کی اسمگلنگ کے خلاف ایکشن پر بریفنگ دی گئی۔
#ISPR
آئی ایس پی آر
راولپنڈی، 28 ستمبر، 2023آرمی چیف کا دورہ لاہور-صوبائی ایپکس
کمیٹی کے اجلاس میں شرکت#PakistanArmy #Pakistan #COASجنرل سید عاصم منیر (نشانِ امتیاز ملٹری) چیف آف آرمی سٹاف کا دورہ لاہور
آرمی چیف نے صوبائی ایپکس کمیٹی کے اجلاس میں شرکت کی، جس میں نگران… pic.twitter.com/681O2AeYvs
— Pakistan Armed Forces News 🇵🇰 (@PakistanFauj) September 28, 2023
اجلاس کے شرکاء کو اقلیتوں کے تحفظ کے لیےکیےگئے اقدامات سے آگاہ کیا گیا، شرکاء کو کچے کے علاقے میں جاری آپریشنز کی پیش رفت کے بارے میں بھی آگاہ کیا گیا، فورم نے غیر قانونی طور پر مقیم غیر ملکی شہریوں کی وطن واپسی کا بھی جائزہ لیا۔
آرمی چیف کا کہنا تھا کہ غیر قانونی معاشی سرگرمیوں کے خلاف پوری قوت کے ساتھ کارروائیاں جاری رکھیں، قانون نافذ کرنے والے ادارے اور متعلقہ محکمے غیرقانونی سرگرمیوں کے خلاف کارروائیاں جاری رکھیں، غیر قانونی معاشی سرگرمیوں کے خلاف کارروائیوں سے معاشی نقصانات سے نجات مل سکےگی۔
آرمی چیف نے تاریخی اقدامات کے سود مند اثرات کے لیے متعلقہ محکموں کے درمیان ہم آہنگی پر زور دیا۔
