94
اسرائیل نے غزہ کے انڈونیشین اسپتال پر حملہ کرکے ڈاکٹروں سمیت 12فلسطینی شہریوں کو قتل کردیا ہے۔
غیر ملکی خبر رساں ایجنسی کے مطابق آرتھوپیڈک چیف ڈاکٹرعدنان البرش سمیت متعدد افراد اس حملے میں زخمی ہوئے ہیں۔
اس کے علاوہ اسپتال سے نکلنےکی کوشش کرنے والوں پر بھی فائرنگ کی گئی، اسرائیلی فوج نے اسپتال کا گھیراؤ شروع کردیا، اسپتال کے اندر دھویں اور بارود سے لوگوں کا دم گھٹنے لگا۔
اس سے قبل شمالی غزہ میں ہی اسرائیلی فوج الشفا اسپتال تباہ کرچکی ہے، شدید زخمی 250 افراد کو اسپتال سے نکالا نہیں جاسکا تھا۔
سات اکتوبر سے جاری اسرائیلی حملوں میں اب تک 13 ہزار سے فلسطینی مارے جاچکے ہیں۔
