افغان حکومت کے ترجمان ذبیع اللہ مجاہد نے کہا ہے کہ افغانستان میں لاپتہ ہونے والے روسی طیارے کے پائلٹ سمیت چار افراد کو زندہ بچا لیا گیا ہے۔
اتوار کو سوشل میڈیا پلیٹ فارم ایکس (ٹوئٹر) پر ایک پوسٹ میں انہوں نے لکھا کہ ’صوبہ بدخشاں میں لاپتہ ہونے والا طیارے کو ارز کوہ کے علاقے میں تلاش کر لیا گیا ہے۔
Update:
The Plane reported missing in Badakhshan province has been located in Aruz Koh area of Kuf Ab district. The pilot has been discovered by IEA search group according to reports, the pilot among 4 other individuals have survived the incident. The investigative team of
2/1— Zabihullah (..ذبـــــیح الله م ) (@Zabehulah_M33) January 21, 2024
رپورٹس کے مطابق پائلٹ سمیت چار دیگر افراد اس واقعے میں محفوظ رہے ہیں۔
افغان حکومت کی تفتیشی ٹیم باقی افراد کی تلاش اور مدد فراہم کرنے کی کوششیں جاری رکھے ہوئے ہے۔
افغانستان کی سرکاری نیوز ایجنسی بی این اے کے مطابق وزارت ٹرانسپورٹ و ایوی ایشن کا کہنا ہے کہ گذشتہ شام جو طیارہ بدخشان کے پہاڑوں میں گر کر تباہ ہوا وہ روس کا پرائیویٹ جیٹ ہے۔
وزارت نے کہا کہ ابتدائی معلومات کی بنیاد پر ’فالکن 10‘ روسی نجی جیٹ میں عملے سمیت 6 افراد سوار تھے، انڈیا سے تاشقند کے لیے پرواز کر رہا تھا، اور تیکنیکی خرابی کی وجہ سے یہ گذشتہ شام 7 بجے اپنے روٹ سے ہٹ گیا اور ممکنہ طور پر صوبہ بدخشاں کے اضلاع زیباک اور کرن و منجان کے علاقے میں گر کر تباہ ہو گیا۔
وزارت ٹرانسپورٹ و ایوی ایشن نے مزید کہا کہ طیارے کا روٹ افغانستان کی فضائی حدود میں طے نہیں تھا۔ طیارہ ممکنہ طور پر تیکنیکی خرابی کی وجہ سے اپنے روٹ سے ہٹ گیا۔
