بکنگھم پیلس کا کہنا ہے کہ برطانیہ کے کنگ چارلس میں کینسر کی ایک قسم کی تشخیص ہوئی ہے۔
بکنگھم پیلس کے بیان میں کینسر کی قسم کا انکشاف نہیں کیا گیا ہے لیکن محل کے ایک بیان کے مطابق کنگ چارلس نے پیر کو ’باقاعدہ علاج‘ شروع کروایا تھا۔
بکنگھم پیلس کا کہنا ہے کہ کنگ چارلس ’اپنے علاج کے بارے میں مکمل طور پر مثبت ہیں اور جلد از جلد اپنے فرائض کی انجام دہی کے لیے واپس آنے کے منتظر ہیں
بیان میں مزید کہا گیا تھا کہ شاہ چارلس جلد از جلد اپنی مصروفیات کی جانب لوٹنا چاہتے ہیں۔
شاہ چارلس کی کچھ ذمہ داریاں ان کے بڑے بیٹے شہزادہ ولیم نے سنبھال لی ہیں۔ جب کہ ان کے چھوٹے بیٹے شہزادہ ہیری کی بھی جلد برطانیہ پہنچنے کا امکان ہے۔
برطانیہ کے وزیرِ اعظم رشی سونک کا کہنا ہے کہ شاہ چارلس سوم کے کینسر کی تشخیص ابتدائی مرحلے میں ہی ہو گئی ہے اور پوری قوم کو امید ہے کہ وہ جلد صحت یاب ہو جائیں گے۔
رشی سونک کا کہنا تھا کہ ہماری نیک خواہشات ان کے اور ان کے خاندان کے ساتھ ہیں۔ یہ شکر ہے کہ مرض کی ابتدائی مرحلے میں ہی تشخیص ہو گئی۔
