بھارت میں کسانوں کا دہلی چلو مارچ بارہویں روز بھی جاری ہے۔
مارچ کے دوران مشتعل مظاہرین نے بھارتی وزیراعظم نریندر مودی کے پتلے نذر آتش کئے۔
دہلی چلو مارچ کے بارہویں روز بھی ہریانہ پولیس نےمظاہرین پر شدید لاٹھی چارج کیا، احتجاج کرنے والے بھارتی کسانوں نے مودی اور دیگر بی جے پی وزراء کے پتلے جلائے۔
پنجاب، ہریانہ سرحد پر کسانوں کے دہلی چلو مارچ کو دوبارہ شروع کرنے کے دوران کسانوں کی ہلاکت پر کسان رہنماؤں نے مذاکرات کے چوتھے دور میں حکومت کی تجویز کو مسترد کر دیا۔
سکھ کسان رہنماؤں کا کہنا ہے کہ ہریانہ پولیس نے شمبھو اور کھنوری میں نہتے عوام پر آنسو گیس کے گولے برسائے، کسانوں نے 21 سالہ شوبھ کرن سنگھ کی موت پر قتل کا مقدمہ درج کرنے کا مطالبہ بھی کیا۔
دوسری جانب مودی سرکار کی جانب سے احتجاج کو جواز بنا کر بھارت کے سات اضلاع میں انٹرنیٹ پر مکمل پابندی عائد کردی گئی ہے۔
واضح رہے بھارتی کسانوں کے دہلی چلو مارچ کے دوران اب تک 5 مظاہرین جان سے ہاتھ دھو بیٹھے ہیں۔
