بھارت کی 71 رکنی کابینہ میں شامل 28 اراکین کے خلاف فوجداری مقدمات کا انکشاف ہوا ہے۔
ایک غیر سرکای ادارے ایسوسی ایشن فار ڈیموکریٹک ریفارمز نے اپنی رپورٹ میں بتایا ہے کہ بھارت کی 71 رکنی کابینہ کے 28 اراکین پر فوجداری مقدمات موجود ہیں۔
ان میں سے 19 وزرا کے خلاف قتل اور خواتین کے خلاف جرائم جیسے سنگین مقدمات ہیں۔
مغربی بنگال سے تعلق رکھنے والے بی جے پی کے دو وزرا شنتانو ٹھاکر اور سکانتا ماجمدار کے خلاف قتل کے مقدمات درج ہیں، ان دونوں وزرا پر خواتین کے خلاف جرائم کے بھی مقدمات بھی درج ہیں۔
اس کے علاوہ بی جے پی کے دیگر 5 وزرا پر بھی خواتین کے خلاف جرائم کے مقدمات درج ہیں۔ ان وزرا میں کیرالہ سے جیتنے والے بی جے پی کے واحد رکن سریش گوپی بھی شامل ہیں۔
رپورٹ کے مطابق دیگر 18 وزرا کے خلاف نفرت انگریز تقریر کرنے پر مقدمات درج ہیں، ان وزرا میں وزیر داخلہ امت شاہ بھی شامل ہیں۔