6
جنوبی کوریا میں حادثے کا شکار ہونے والی جیجو ائیر کے چیف آپریٹنگ آفیسر کم ای بائی نے حادثے پر ائیرلائن کے اعلیٰ حکام کے ساتھ کیمروں کے سامنے سر جھکا کرمعافی مانگ لی۔
انھوں نے پریس کانفرنس میں کہا کہ طیارہ حادثے کی وجوہات ابھی تک غیر واضح ہیں، طیارے کی خرابی کے کوئی ابتدائی شواہد نہیں ملے۔
انہوں نے کہا کہ گرنے والےطیارے کے حادثات کا کوئی سابقہ ریکارڈ نہیں تھا، طیارہ حادثے پر معذرت خواہ ہیں۔
واضح رہے کہ گزشتہ روز جنوبی کوریا کے موان انٹرنیشنل ائیرپورٹ پر جیجو ائیر کے جہاز حادثے میں 179 افراد ہلاک ہوگئے تھے۔
جہاز میں عملے سمیت 181 افراد سوار تھے جن میں سے دو مسافروں کو بچا لیا گیا۔
جنوبی کوریا نے جہاز حادثے پر سات روزہ سوگ کا اعلان کیا ہے۔
