لبنان کے عسکری گروپ حزب اللہ نے اسرائیل کے فوجی اڈے پر میزائل اور ڈرونز سے حملہ کر دیا جس کے نتیجے میں 14 اسرائیلی فوج شدید زخمی ہو گئے۔
حزب اللہ نے اسرائیل کے شمالی علاقے عرب الارمشے کو نشانہ بنایا ہے۔
حزب اللہ نے اسرائیل پر حملے کی ذمہ داری قبول کرتے ہوئے کہا ہے کہ یہ حملہ لبنان کے علاقے عین بال، شہابیہ میں حزب اللہ مجاہدین کی ہلاکتوں کے بدلے میں کیا گیا ہے۔
حزب اللہ نے مزید کہا ہے کہ اس نے لبنانی سرحد کے قریب شمالی اسرائیل کے عرب اکثریتی گاؤں عرب الارمشے میں ایک نئے فوجی جاسوسی کمانڈ سینٹر پر گائیڈڈ میزائلوں اور دھماکا خیز ڈرونز کے ساتھ حملہ کیا۔
دوسری جانب اسرائیلی فوج نے لبنانی حملے کی تصدیق کرتے ہوئے کہا ہے کہ میزائل حملے میں 14 فوجی زخمی ہوئے اور 6 کی حالت تشویشناک ہے۔
واضح رہے کہ پیر کے روز اسرائیل نے جنوبی لبنان پر حملہ کر کے حزب اللہ کے فیلڈ کمانڈر سمیت 3 افراد کو مار دیا تھا، اسرائیلی فوج نے کمانڈر کی شناخت اسماعیل یوسف باز کے نام سے کی تھی۔
