سعودی عرب میں 10 لاکھ سے زیادہ کیپٹاگون گولیوں کی اسمگلنگ کی کوشش

سعودی عرب میں ضباء بندرگاہ پر اتھارٹی نے 10 لاکھ ایک ہزار 131 کیپٹاگون گولیاں اسمگل کرنے کی کوشش ناکام بنا دی۔

یہ گولیاں سعودی عرب آنے والے ٹرکوں میں سے ایک میں چھپائی گئی تھیں۔

اتھارٹی نے بتایا کہ جب بندرگاہ سے آنے والے ٹرکوں میں سے ایک کا معائنہ کیا گیا تو خربوزوں کے اندر بیچوں کی جگہ چھپائی گئی گولیاں برآمد ہوئیں۔

اتھارٹی کا کہنا ہے کہ اسمگلنگ میں ملوث افراد کو گرفتار کرلیا گیا ہے۔