رواں سال کا تیرہواں بڑا طوفان چین کے سب سے بڑے صنعتی شہر شنگھائی پہنچ گیا
کیٹیگری ون کے سمندری طوفان بیبنکا شنگھائی سے ٹکرا یا تو 151 کلو میٹر فی گھنٹہ کی رفتار سے چلنے والی ہواؤں نے درجنوں درخت جڑ سے اکھاڑ پھینکے
حکام کے مطابق منہ زور طوفانی ہواؤں کے باعث 1400 سے زائد پروازیں اور 570 مسافر ٹرینیں منسوخ ہو گئیں۔ بس سروس بھی رک گئی
خطرناک طوفان سے اسکولوں،کالجز اور جامعات میں تعطیلات کا اعلان کردیا گیا
طوفان بیبنکا کو 7 دہائیوں بعد شنگھائی سے ٹکرانے والا سب سے طاقتور طوفان قرار دیا جا رہا ہے
طوفان سے بچاؤ کے لیے تقریباً 4 لاکھ افراد کو محفوظ مقامات پر منتقل کر دیا گیا ہے
مشرقی چین میں طوفانی ہواؤں، شدید بارش اور ساحلی سیلاب کی ریڈ وارننگ بھی جاری کر دی گئی ہے۔
ادھر ایشیا کے رواں سال کے سب سے طاقتور طوفان یاگی کی تباہ کاریاں جاری ہیں اور میانمار میں طوفان سے اب تک 113 افراد ہلاک ہو چکے جبکہ 64 افراد لاپتہ اور 3 لاکھ 20 ہزار افراد بےگھر ہو گئے ہیں۔
میانمار کے سرکاری میڈیا کے مطابق طوفان یاگی کے باعث ہونے والی شدید بارشوں کے بعد سیلاب سے 5 ڈیم اور 65 ہزار سے زائد مکانات تباہ ہو گئے ہیں۔
