اسرائیلی فوج نے دعوی کرتے ہوئے کہا ہے کہ غزہ میں پارلیمنٹ اور حکومتی اداروں پر قبضہ کر لیا ہے ۔
آئی ڈی ایف نے ایک تصویر جاری کی ہے، جس میں اسرائیلی فوجی غزہ کی پارلیمنٹ میں اپنے ملک کا پرچم لہراتے ہوئے دکھائی دے رہے ہیں۔ اس تصویر میں آئی ڈی ایف کے فوجی پارلیمنٹ کے اسپیکر کی کرسی پر بیٹھے ہوئے ہیں۔
اسرائیلی فوج کے بیان کے مطابق فوجی دستوں نے حماس کی پارلیمنٹ ، حکومتی عمارات ، پولیس ہیڈ کوارٹرز اور انجینئیرنگ فیکلٹی جو اسلحہ سازی کے ادارے کے طور پر کام کرتا ہے پر قبضہ کر لیا ہے۔
اسرائیلی وزیردفاع یوآوگیلینٹ کا کہنا ہے کہ حماس کے پاس ایسی کوئی طاقت نہیں ہے جواسرائیلی فوج کو روک سکے۔ فوجی ہرطرف سے آگے بڑھ رہے ہیں۔ 16 سالوں سے غزہ پراقتدار کرنے والے حماس نےاپنا کنٹرول کھو دیا ہے۔ جنگجو جنوب کی طرف بھاگ رہے ہیں۔ حماس کے جنگجوؤں کے ٹھکانوں کووہاں کے شہری لوٹ رہے ہیں۔ انہیں حکومت پرکوئی بھروسہ نہیں رہا۔
