دنیا کی زیادہ تر آبادی کے بچپن کے معروف کارٹون کردار مکی ماؤس کے دلدادہ افراد کے لیے خوشخبری ہے کہ ان کا کردار ایک ہی اسٹوڈیو ڈزنی کی ملکیت سے آزاد ہوگیا ہے
مشہور کارٹون سیریز ‘مکی ماؤس’ کے کریکٹر ‘مکی اینڈ منی’ 95 سال کی عمر کو پہنچنے کے بعد عوامی ملکیت بن گئے۔ ڈزنی اسٹوڈیو کو حاصل مکی ماؤس کے کاپی رائٹس ختم ہوتے ہی مذکورہ کردار کسی بھی کمپنی کی ملکیت نہیں رہے اب اور ہر کوئی اس کا ڈیزائن استعمال کر سکے گا۔
ڈزنی اسٹوڈیو نے اس کے مالکانہ حقوق کردار کے تخلیق ہونے کے فوری بعد حاصل کیے تھے، جس کے بعد اسٹوڈیو نے دوبارہ 1984 میں بھی اس کے رائٹس حاصل کیے تھے۔
اب اسٹوڈیو تیسری بار اس کے رائٹس خریدنے کا ارادہ رکھتا تھا مگر امریکی سیاسی جماعت ریپلیکن کے سینیٹرز نے کاپی رائٹس دفتر کو ڈزنی کو مزید مدت کے لیے رائٹس دینے کی مخالفت کردی تھی۔
تقریباً ایک صدی سے بچوں اور متعدد بڑوں کے دلوں پر راج کرنے والے مکی ماؤس کی پہلی فلم ‘اسٹیمبوٹ ویلی’ تھی جبکہ 1978 میں مکی ماؤس کو واک آف فیم میں شامل ہونے کا اعزاز بھی مل چکا ہے۔
مکی ماؤس کے ساتھ ہمیشہ منی ماؤس کا کردار بھی سب کے دلوں میں اپنی جگہ بناتا نظر آیا اور بچوں کے پسندیدہ کارٹون کی فہرست میں یہ کئی سالوں سے شامل ہے۔
عوامی ڈومین میں داخل ہونے کے بعدکارٹون کریکٹر مکی اور منی ماؤس عوامی ملکیت ہوگئے کیوں کہ کارٹون کریکٹر کے لیے امریکا کا کاپی رائٹ سال 2023 کے اختتام کے ساتھ ہی ختم ہوگیا ہے۔
ڈزنی انٹرنیشنل کے کاپی رائٹ ختم ہونے کے بعد تخلیق کاروں کے لیے مکی ماؤس کے کردار کو پچھلے کاموں، نئے کاموں اور ری میک میں استعمال کرنے کا راستہ کھل جائے گا۔
