نائیجیرین شہری نے شطرنج کی طویل ترین میراتھن کا ریکارڈ اپنے نام کرلیا

نائیجیرین شطرنج کے چیمپئن اور بچوں کو شطرنج سکھانے کے گرو نے نیویارک شہر کے ’ٹائمز اسکوائر‘ میں شطرنج کی طویل ترین میراتھن کا ریکارڈ توڑ دیا۔

اوناکویا نے  58 گھنٹے کا ہندسہ عبور کیا اور 56 گھنٹے، 9 منٹ اور 37 سیکنڈ کے موجودہ شطرنج میراتھن ریکارڈ کو پیچھے چھوڑ دیا، سابقہ ریکارڈ 2018ء میں ناروے سے تعلق رکھنے والے ہالورڈ ہوگ فلاٹوبو اور سور فرکینگسٹڈ نے قائم کیا تھا۔

خیال رہے گنیز ورلڈ ریکارڈزنے ابھی تک اوناکویا کی اس کوشش پر عوامی طور پر کوئی تبصرہ نہیں کیا ہے،بعض اوقات تنظیم کو کسی بھی نئے ریکارڈ کی تصدیق کرنے میں کئی ہفتے لگ جاتے ہیں۔