واٹس ایپ میں اے آئی ٹیکنالوجی پر مبنی نئے فیچر کا اضافہ

واٹس ایپ انتظامیہ سے بات کرنی ہوئی اب آسان ۔۔ کیونکہ  آگیا ہے چیٹ بوٹس کا طوفان ۔۔۔

اے آئی ٹیکنالوجی کی مقبولیت کو دیکھتے ہوئے میٹا نے لاما 2 ماڈل پر مبنی چیٹ بوٹس کو واٹس کا حصہ بنادیا۔

WABetaInfo کی رپورٹ کے مطابق واٹس ایپ کے اینڈرائیڈ ڈیوائسز کے لیے نئے بیٹا (beta) ورژن میں اے آئی ٹیکنالوجی پر مبنی یوزر سپورٹ چیٹ بوٹ شامل کیا گیا ہے۔

اس نئے اضافے کے بعد صارفین اپنی شکایات کمپنی انتظامیہ تک پہنچا سکیں گے یہی نہیں بلکہ واٹس ایپ کی جانب سے زیادہ تیزی سے ردعمل ظاہر کرنا بھی ممکن ہو گا۔

یہ نیا چیٹ بوٹ واٹس ایپ کے کانٹیکٹ اس (Contact us) پیج کا حصہ ہے، جہاں صارفین اپنے سوالات یا شکایات تحریر کرسکیں گے۔

تمام صارفین کے لیے یہ فیچر جلد ہی دستیاب ہوگا۔