105
جنوبی امریکی ملک وینزویلا کے ہائی وے پر گاڑیوں کے درمیان خوفناک تصادم ہوا جس کے نتیجے میں 16 افراد ہلاک ہوگئے۔
غیر ملکی میڈیا کے مطابق یہ واقعہ وینزویلا کے گران ماریسکل ڈی آیاکوچو ہائی وے پر پیش آیا۔
انتظامیہ کی جانب سے بتایا جا رہا ہے کہ ہائی وے پر پہلے سے پیش آئے حادثے کی وجہ سے گاڑیاں رکی ہوئی تھیں اور ہائی وے کے کلیئر ہونے کا انتظار کر رہی تھیں کہ اتنے میں ایک تیز رفتار ٹرک قطار میں کھڑی گاڑیوں میں جا گھسا۔
انتظامیہ کے مطابق حادثے کے نتیجے میں 17 گاڑیوں کو نقصان پہنچا اور دیکھتے ہی دیکھتے گاڑیوں میں آگ بھی بھڑک اٹھی۔
چیف فائر آفیسر جوآن گونزالیز کے مطابق حادثے کی اطلاع ملتے ہی فائر بریگیڈ کی گاڑیوں نے موقع پر پہنچ کر آگ بجھانے اور ریسکیو کے عمل میں حصہ لیا اور آگ پر قابو پایا۔
