کراچی سٹی کونسل کے اجلاس میں نئی تاریخ رقم ہو گئی
اجلاس کے دوران ٹرانس جینڈر رکن شہزادی رائے نے ایوان سے پہلی بار خطاب کر کے تاریخ رقم کر دی۔
شہزادی رائے نے اپنے خطاب میں کہا بدقسمتی سے پہلی بار خواتین نے ایوان میں اپنے خیالات کا اظہار کیا ہے، خواتین کو سیاسیت میں بھی برابرای کا حصہ ملنا چاہیئے
اجلاس میں بلدیہ عظمیٰ کراچی کے پارکوں کی تزئین و آرائش، ملک کے لیے نمایاں خدمات انجام دینے والوں کو تمغہ کراچی بمعہ نقد انعام دینے کی قرارداد کثرت رائے سے منظور کر لی گئی۔
عید الاضحیٰ کے موقع پر کراچی میں لگائی جانے والی مویشی منڈیوں میں فروخت کے لیے لائے گئے جانوروں پر ٹیکس وصولی سمیت سابق رکن صوبائی اسمبلی عبداللہ مراد کو خراج عقیدت پیش کرنے کے لیے پیش کی گئی قرارداد بھی منظور کر لی گئی۔
دوران اجلاس جماعت اسلامی کی جانب سے تمام خواتین ارکان میں رمضان المبارک کے موقع پر تحائف بھی تقسیم کیے گئے۔
چار قراردادوں کی منظوری کے بعد اجلاس غیر معینہ مدت تک ملتوی کر دیا گیا۔
