64
خیبر پختونخوا کے ضلع کرم کے مختلف مقامات پر قبائل کے درمیان جھڑپوں کا سلسلہ جاری ہے، تازہ جھڑپوں میں مزید ایک شخص جاں بحق اور 3 زخمی ہوگئے۔
پولیس کے مطابق جھڑپوں میں 6 روز کے دوران 20 افراد ہلاک اور 41 زخمی ہوچکے ہیں۔
کشیدگی کے باعث ضلع کرم میں آمدورفت کے راستے اور انٹرنیٹ سروس تاحال بند ہے جبکہ مارکیٹوں میں اشیائے خور دو نوش اور ادوایات کی قلت پیدا ہوگئی۔
اس کے علاوہ جھڑپوں کے باعث تعلیمی ادارے بند اور کاروبار زندگی مفلوج ہوکر رہ گئی ہے۔
ڈپٹی کمشنر کا کہنا ہے کہ جھڑپیں رکوانے کیلئے اقدامات کیے جا رہے ہیں۔
