آئی سی سی کرکٹ ورلڈ کپ 2023 میں انگلینڈ نے پاکستان کو 93 رنز سے شکست دے کر سیمی فائنل کھیلنے کے ارمانوں پر بھی پانی پھیر دیا
پاکستان کی ٹیم 338 رنز کے تعاقب میں 44 ویں اوورز میں 244 رنز بناکر آؤٹ ہوگئی۔
کولکتہ کے ایڈن گارڈنز میں کھیلے جارہے میچ میں انگلینڈ نے پاکستان کے خلاف ٹاس جیت کر بیٹنگ کرنے کا فیصلہ کیا۔
پہلے بیٹنگ کرتے ہوئے انگلش ٹیم نے مقررہ 50 اوورز میں 8 وکٹوں کے نقصان پر 337 رنز بنائے۔
ڈیوڈ ملان 31، جونی بیرسٹو 59، اسٹوکس کو 84،جو روٹ 60 رنز کی اننگز کھیل کر آؤٹ ہوئے۔ ہیری بروک 30 اور جوز بٹلر 27 رنز بنا کر نمایاں رہے
پاکستان کی جانب سے حارث رؤف نے 3 وکٹیں لیں جبکہ محمد وسیم اور شاہین آفریدی نے 2، 2 اور افتخار احمد نے ایک کھلاڑی کو آؤٹ کیا۔
بابرالیون کے لئے 338 رنز کا ہدف پہاڑ بن گیا۔ اوپنرز عبداللّٰہ شفیق اور فخر زمان کریز پر آتے ہی واپس پویلین چل دیئے ۔ کپتان بابر اعظم 38 ،محمد رضوان 36، سعود شکیل 29، سلمان علی آغا 51 اور شاہین شاہ آفریدی 25 رنز بنا کر آؤٹ ہوئے۔
آخری وکٹ پر حارث رؤف اور محمد وسیم جونیئر نے کچھ مزاحمت دکھائی اور 53 رنز کی پارٹنرشپ بنائی۔ وسیم نے 16 جبکہ حارث رؤف 35 رنز بنا کر آؤٹ ہوئے۔
پاکستان کی ٹیم پورے 50 اوورز بھی نہ کھیلی سکی اور 43.3 اوورز میں 244 رنز بناکر ڈھیر ہوگئی، جس کے ساتھ ہی گرین شرٹس کو اس میچ میں 93 رنز سے شکست ہوئی۔
