بھارتی پارلیمنٹ میں دو نامعلوم افراد نے دھواں چھوڑ دیا،مہمانوں کی گیلری میں موجود ان افراد کو جنہیں حراست میں لے لیا گیا ہے۔
میڈیا رپورٹ کے مطابق نامعلوم افراد مہمانوں کی گیلری میں موجود تھے، انہوں نے اپنے جوتوں سے چھوٹا سا ایک ڈبہ نکالا اور پورے ایوان میں دھواں پھیلا دیا۔
ٹیلی ویژن فوٹیج میں انہیں ایک میز سے دوسری میز پر چھلانگ لگاتے دکھایا گیا ۔
ایوان کے اندر موجود ارکان نےبتایا کہ وہ ’آمریت قبول نہیں کی جائے گی‘ جیسے نعرے لگا رہے تھے۔
From inside and outside The Parliament pic.twitter.com/57UfOVUEFY
— Mahender Singh Manral (@mahendermanral) December 13, 2023
اس کے علاوہ پارلیمنٹ کی حدود سے مزید دو افراد کو حراست میں لے لیا گیا، امول نامی ایک شخص کا تعلق مہاراشٹر اور نیلم نامی ایک خاتون کا تعلق بھارتی ریاست ہریانہ سے ہے۔
دو افراد کی شناخت ساگر شرما اور منورنجن ڈی کے طور پر کی گئی ہے۔
چاروں ملزمان کو پارلیمنٹ میں سیکورٹی کی خلاف ورزی کے بعد حراست میں لیا گیا ہے۔
یہ حملہ دو دہائیوں قبل دہشت گردانہ حملے کی برسی کے موقع پر کیا گیا تھا۔
