جرمنی میں انسانی حقوق کے وکلا نے برلن کی ایک عدالت میں کارگو جہاز ایم وی کتھرن پر فوجی معیار کے دھماکہ خیز مواد کی 150 میٹرک ٹن کھیپ روکنے کی اپیل دائر کی ہے۔
وکلا کے بقول یہ کارگو جہاز اسرائیل کے سب سے بڑی دفاعی کنٹریکٹر کو فراہم کیا جانا ہے۔
یورپی لیگل سپورٹ سینٹر نے کہا کہ یہ اپیل غزہ سے تعلق رکھنے والے تین فلسطینیوں نے دائر کی، جس میں دلیل دی گئی کہ بنیادی طور پر آر ڈی ایکس دھماکہ خیز مواد کی کھیپ غزہ میں اسرائیلی جارحیت کے لیے گولہ بارود میں استعمال کی جا سکتی ہے۔
ایم وی کیتھرین کی مالک کپمنی لوبیکا میریننے کہا ہے کہ اسرائیل میں کسی بندرگاہ پر رکنا، اس جہاز کے شیڈول میں کبھی شامل نہیں تھا، اور حال ہی میں اس نے اپنا سامان اتارا ہے، جس کی اصل منزل، مونٹینیگرو تھی، مگر یہ نہیں بتایا گیا کہ سامان کہاں اتارا گیا۔
معاہدے کی وجوہات کی بنا پر کمپنی نے کارگو کی تفصیلات ظاہر کرنے سے انکار کر دیا
کمپنی کا کہنا ہے کہ اس نے تمام بین الاقوامی اور یورپی یونین کے ضوابط کی مکمل تعمیل کی ہے، اس بات کو یقینی بنایا ہے کہ کسی بھی آپریشن سے پہلے ضروری اجازت نامے حاصل کیے جائیں۔
