10
وسطی نیپال میں ایک ہیلی کاپٹر گر کر تباہ ہو گیا جس میں سوار پائلٹ اور 4 چینی باشندوں سمیت تمام 5 مسافر ہلاک ہوگئے۔
ایئر ڈائنسٹی ہیلی کاپٹر دارالحکومت کھٹمنڈو سے سیابروبیسی کی طرف جا رہا تھا۔
سول ایوی ایشن اتھارٹی کی جانب سے بتایا گیا کہ پرواز کے تقریباً تین منٹ بعد طیارے کا رابطہ منقطع ہو گیا تھا اور ہیلی کاپٹر دارالحکومت کے شمال میں واقع ضلع نواکوٹ میں گر کر تباہ ہو گیا۔
پولیس کے ترجمان دان بہادر کارکی نے میڈیا کو بتایا کہ اس حادثے میں پائلٹ سمیت تمام 5 افراد ہلاک ہو گئے ہیں، جائے حادثہ سے 5 لاشیں نکال لی گئی ہیں، پولیس پہلے ہی جائے وقوعہ پر پہنچ چکی ہے اور ریسکیو آپریشن جاری ہے۔
ترجمان کا مزید کہنا تھا کہ پہاڑ کی ڈھلوان پر جنگل کے علاقے میں ہیلی کاپٹر گر کر تباہ ہوا جبکہ حادثے کی وجہ فوری طور پر معلوم نہیں ہوسکی ہیں۔
