بحیرہ احمر میں حملوں کیلئے حوثیوں کی فنڈنگ کرنیوالے ایرانی نیٹ ورک پر امریکی پابندیاں

امریکہ نے بحری جہازوں پر حوثیوں کے حملوں کے ردعمل میں ایک شخص اور تین ایکسچینج کمپنیوں پر پابندیاں عائد کردی ہیں۔

امریکہ نے ان پر یمنی حوثی گروپ کو ایرانی مالی امداد کی منتقلی میں سہولت فراہم کرنے کا الزام لگایا گیا ہے۔ امریکی محکمہ خزانہ نے ایک بیان میں بتایا کہ یہ ایکسچینج کمپنیاں ترکی اور یمن میں قائم ہیں۔

ٹریژری انڈر سیکرٹری برائن نیلسن نے بیان میں کہا کہ آج کی کارروائی حوثیوں کے لیے فنڈز کے غیر قانونی بہاؤ کو محدود کرنے کے ہمارے عزم کی نشاندہی کرتی ہے۔ حوثی حملے کرکے خطے کو مزید غیر مستحکم کرنے کی طرف جارہے ہیں۔