قطر کے دارالحکومت دوحہ میں جاری ڈبلیو ٹی اے ایونٹ میں سنسنی خیز مقابلے جاری ہیں
پولینڈ کی نامور ٹینس اسٹار عالمی نمبر ایک اور ایونٹ کی ٹاپ سیڈڈ آئیگا سوئیٹک اور قازقستان کی ٹینس اسٹار ایلینا ریبا کینا ڈبلیو ٹی اے قطر اوپن ٹینس ٹورنامنٹ میں خواتین کے سنگلز مقابلوں کے سیمی فائنل میں پہنچ گئیں۔
ڈبلیو ٹی اے ایونٹ کے خواتین کے سنگلز مقابلوں کے کوارٹر فائنل میچ میں پولینڈ کی ڈ آئیگا سوئیٹک نے شاندار کارکردگی کا مظاہرہ کیا ۔
سوئیٹک نے بیلاروس کی کھلاڑی وکٹوریہ آزرینکا کو اسٹریٹ سیٹس میں 0-6 اور 4-6سے ہرا کر ٹورنامنٹ کے سیمی فائنل راؤنڈ کے لئے کوالیفائی کرلیا
There's something about Doha and @iga_swiatek 🫶
The World No.1 defeats Victoria Azarenka 6-4, 6-0 to make it 11 straight wins at the #QatarTotalEnergiesOpen pic.twitter.com/t3ph9emiHl
— wta (@WTA) February 15, 2024
جہاں پولینڈ کی فاتح کھلاڑی کا مقابلہ جمہوریہ چیک کی کیرولیناپالیسکووا سے ہوگا۔
قازقستان کی ایلینا ریبا کینا نے عمدہ کھیل پیش کرتے ہوئے کینیڈین لیلہ فرنینڈز کو اسٹریٹ سیٹس میں 4-6 اور 2-6 سے شکست دے کر ایونٹ کے ٹاپ فور کے لئے کوالیفائی کیا۔
سیمی فائنل راؤنڈ میں ایلینا ریباکینا کا مقابلہ روسی حریف کھلاڑی اناستاسیا پاؤلیچنکووا سے ہوگا۔
