پولینڈ میں حکومتی پالیسیوں کیخلاف کسان سڑکوں پر نکل آئے، اہم شاہراہیں بند

پولینڈ میں کسانوں نے حکومت کی پالیسیوں کے خلاف ملک بھر میں شدید احتجاج کرتے ہوئے اہم شاہراہیں بند کر دیں۔

احتجاج کے نتیجے میں آمد و رفت بری طرح متاثر ہو گئی، مظاہرین نے مظاہرین نے پولینڈ جرمن سرحد کو بھی بلاک کر دیا۔

مظاہرین نے حکومت کے خلاف شدید نعرے بازی بھی کی اور یوکرین سے زرعی درآمدات پر کسٹم ڈیوٹی دوبارہ لگانے کا مطالبہ کیا۔

ترجمان کسان یونین نے کہا ہے کہ یورپی یونین کی جانب سے بھی نافذ کی گئی زرعی پالیسیز کی مخالفت کرتے ہیں۔

واضح رہے کہ پولینڈ کی جانب سے یوکرین پر روس کے حملے کے بعد کسٹم ڈیوٹی معاف کر دی گئی تھی جس کے بعد سے پولینڈ اور یورپی یونین کے دیگر مقامات پر کسان چند مہینوں سے سراپا احتجاج ہیں۔