بانی چیئرمین عمران خان کی جیل سے کی کال پر تحریک انصاف کے کارکنوں نے لاہور، کراچی ، پشاور سمیت مختلف علاقوں میں ریلیاں نکالنے کی کوشش کی، تاہم پولیس نے کریک ڈاؤن کرتے ہوئے متعدد کارکنوں کو گرفتار کرلیا۔
راولپنڈی میں جاتلی کے علاقے میں پولیس نے کریک ڈاؤن کرکے دس کارکنوں کو تحویل میں لے لیا۔
پشاور میں بھی ریلی نکالی گئی تاہم پولیس نے ریلی کو رنگ روڈ پر روک دیا۔ اس موقع پر پولیس اور پی ٹی آئی کارکنوں میں ہاتھا پائی ہوئی۔ پولیس نے کئی پی ٹی آئی کارکنوں کو گرفتار کرلیا۔
پولیس کا کہنا ہے کہ پی ٹی آئی کارکنوں نے ریلی کے لئے این او سی نہیں لیا جس کے بغیر جو بھی روڈ پہ آئے گا گرفتار کیا جائے گا
ملک بھر میں #خان_کی_کال_پر_لبیک کہتے ہوئے تمام پاکستانیوں کی اپنے علاقوں میں الیکشن ریلیوں میں شرکت۔ pic.twitter.com/f7OeTjBohD
— PTI (@PTIofficial) January 28, 2024
کراچی میں تحریک انصاف نے کلفٹن میں ریلی نکالی جہاں پولیس نے 50 سے زائد کارکنان کو حراست میں لے لیا۔
لاہور میں علامہ اقبال روڈ پر بھی تحریک انصاف کی ریلی میں مردوں ، عورتوں اور خواتین نے بڑی تعداد میں شرکت کی۔
میرا سوہنا شہر لاہور pic.twitter.com/OfzxyIgBec
— کـــͥـــͫـــͣـــᷜـــــــا مــــــــــــی🇵🇰 (@imrankhanlvrPTI) January 28, 2024
پولیس نے ایکشن لیتے ہوئے پی ٹی آئی کے متعدد کارکنوں کو حراست میں لے لیا۔
